Þessi brauðréttur er eitthvað það albesta sem ég fæ. Mamma hefur gert hann í kringum jólin frá því að ég ég man eftir mér og ég hef elskað hann lengur en það. Hún hefur oft stungið uppá því að auðvelda sér lífið með að gera þetta einfaldlega eins og flesta brauðrétti, í eldföstu móti, en ég hef alltaf verið ótrúlega leiðinlegur og bannað henni það. Ég reyni nú samt að hjálpa henni sem mest þannig ég er ekki versti sonurinn. Það munar mjög miklu að gera þennan rétt í heilu brauði uppá bragð, áferð og útlit og svo má að sjálfsögðu gera réttin á hinn mátan úr innvolsinu úr brauðinu. Svo mæli ég þar að auki með að nota súrdeigsbrauð, hvort sem það er heimagert eða keypt. Ekki vera hrædd við gráðaostinn þó þið fílið hann ekki, hann er ekki ekki þarna til að taka yfir bragðið heldur ýta undir það.
Hráefni
Byoneskinka 400g
Brokkólí 1/2 haus
Sveppir 250g
Hvítlaukur 1 geiri
Rjómi 3 dl
Gráðaostur 1/5 ostur
Rjómaostur 100g
Sósujafnari
Brauð t.d. súrdeigsbrauð
Aðferð
Ef þið eruð með heila skinku byrjið þið á að sjóða hana
Næst skerið þið Brokkólíð og hitið í potti að suðu og takið síðan af hitanum
Skerið sveppina og steikið ásamt hvítlauk í smjöri
Því næst skerið þið skinkuna niður og bætið útí ásamt brokkólíinu
Þar í kjölfarið setjið þið rjómann, rjómaostinn og gráðaostinn
Smakkið til með salt og pipar og þykkið með sósujafnara þar til að þetta er ekki alveg fljótandi lengur
Skerið lok ofan af brauði og takið innan úr því og setjið fyllinguna í staðinn og lokið ofaná. Vefjið brauðið í álpappír og hitið brauðið síðan í ofninum í 10-20 mínútur. Þið getið síðan gert brauðrét í eldföstu móti með restina af fyllingunni ásamt fyllingunni úr brauðinu.
Comentários