• Elísabet Jónsdóttir

Frábært grænmetis risotto


Það er svo ótrúlega margt hægt að gera við risottogrjón meira heldur en hið klassíska svepparisotti. Þessi uppskrift varð til þegar Baldur tók út allar mjólkurvörur en langaði í risotto. Við notuðum vegan parmesan þá í helminginn en það er þó ekki nauðsynlegt, rétturinn er frábær án parmesan líka.


Hráefni

  • Aspas 1 búnt

  • Brokkólí ca 200 g

  • Sítónusafi ½ tsk

  • Blaðlaukur ca 10 cm bútur

  • Laukur 1 stk

  • Vatn 4 bollar

  • Kjúklingakraftur 1 stk (má sleppa og auka grænmetiskraftinn)

  • Grænmetiskraftur 1 ½ tsk

  • Hvítvín ½ bolli

  • Arborio hrísgrjón 1 ½ bolli

  • Sítrónubörkur af hálfri sítrónu

  • Parmesanostur ½ bolli og meira til að bera fram með (má vera vegan)

Aðferð

  1. Skerið endana af aspasinum og skerið í þunnar sneiðar og blómin af brokkólínu, setjið á fat og veltið uppúr olíu, salti, pipar og sítrónusafa og bakið í ofni á 180°c í 15 mínútur

  2. Skerið lauk og blaðlauk smátt steikið í potti uppúr olíu í 4-5 mínútur

  3. Sjóðið vatn og bætið því saman við kjúklinga og grænmetiskraftinn og haldið heitu í öðrum potti á vægum hita

  4. Bætið grjónunum ásamt smá olíu í potinn með lauknum og steikið í 2 mínútur

  5. Bætið útí hvítvíninu og leyfið að sjóða niður á meðan þið hrærið reglulega

  6. Þar næst er ½ bolla af kraftinum bætt útí í einu og leyft að sjóða niður á milli á meðan hrært er nánast stöðugt, þar til grjónin eru tilbúin. Mikilvægt er að smakka öðru hvoru grjónin og ef ykur þykir heldur sterkt grænmetis eða kjúklingateningabragð vera komið notið þá einungis vatn eftir það útí ekki kraftblönduna.

  7. Takið af hitanum og bætið við röspuðum sítrónuberki og parmesan og smakkið til með salti og pipar

  8. Berið fram með parmesan og t.d. kjúkling eða rækjum




  • Facebook