• Elísabet Jónsdóttir

Gullnu hrísgrjónin

Updated: Jun 30, 2019

Þessi uppskrift er eins einföld og hún gerist. Við eigum oft afgangshrísgrjón og í tilraun til þess að gera eitthvað annað en að henda þeim í örbylgjuofninn til upphitunar datt pabba þetta í hug. Þetta tekur í raun ekkert nema þolinmæði þar sem okkur finnst best að hafa hrísgrjónin stökk og það tekur smá tíma að ná því. Uppskriftin miðast við meðlæti fyrir 1 en auðvelt er að stækka hana.


Hráefni


1/2 kjúklingateningur

8 gr smjör

dass af olíu

2 kúfaðir dL soðin hrísgrjón


Aðferð

  1. Byrjið á því að setja olíu og smjör á pönnu og hitið upp á meðalháum hita

  2. Bætið teningnum útí og leysið upp

  3. Setjið hrísgrjónin út á pönnuna og hrærið saman við kryddblönduna

  4. látið hrísgrjónin vera kyrr á pönnunni og snúið á nokkurra mínútna fresti þar til þau eru orðin eins stökk og þið viljið hafa þau




  • Facebook