• Baldur Sverrisson

Hollar og einfaldar glútenlausar orkukúlur

Þessi uppskrift ætti eiginlega að vera skráð á Elísabetu þar hún er innblásturinn og eina ástæðan fyrir því að þessi uppskrift er til. Þetta er ein af þeim uppskriftum sem ég hef búið til þegar hún hefur verið á kafi í prófalestri og ég hef séð á henni hvað henni vantar nauðsynlega einhverja orku og þar sem það er erfitt fyrir hana að finna sér slíkt án þess að maginn refsi henni fyrir skerst ég vanalega í leikinn. Ég verð að viðurkenna að ég þorði ekki að smakka þessar kúlur fyrst, ekki fyrr en 5 aðrar manneskjur höfðu dæmt þær góðar. ég hafði áhyggjur af því að þetta yrði þurrt og myndi öskra á sykur en niðurstaðan er allt önnur og verð ég að segja að nammigrísinn ég get alveg borðað þetta sem svindl í kaffinu

Hráefni

  • Döðlur ½ bolli

  • Vatn 1/4 bolli

  • 70% súkkulaði 100g

  • Kókoshveiti 1/3 bolli

  • Möndlumjöl 2/3 bolli

  • Kókosflögur 1/3 bolli

  • Salt klípa

  • Smjör 50 g

  • Vanilludropar 1 tappi

Aðferð

  1. Sjóðið vatnið og setjið í skál með döðlunum og látið standa í 5 mínútur

  2. Á meðan döðlurnar draga í sig vatnið er súkkulaðið skorið í bita og sett í skál ásamt þurrefnunum

  3. Mixið döðlurnar og vatnið saman til dæmis með töfrasprota eða í blandara

  4. Setjið döðlumaukið í hrærivélarskál ásamt smjörinu og vanilludropunumum og þeytið þar til blandan kemur saman

  5. Blandið þurrefnunum saman við með sleif

  6. Mótið kúlur með höndunum og setjið á bökunarplötu og inní ofn í 15 mínútur á 180°C og blástur í ca 15 mínútur



  • Facebook