top of page
  • Writer's pictureBaldur Sverrisson

Kjúklingur í tómatpiparostasósu með beikoni

Updated: Dec 6, 2023

Þetta er einfaldur en geggjaður kjúklingaréttur.


Hráefni


1 stk kjúklingabringa

1 tsk paprikukrydd

1 tsk túrmerik

1/4 piparostur frá Örnu eða MS

dass af laktósafrírri mjólk

3 msk tómatar í dós (eða 1 heill tómatur)

2 gulrætur

1/4 rauð paprika

Beikon eftir smekk

salt og pipar


Aðferð


  1. Raspið niður piparostinn og hitið í potti á vægum hita með dassi af mjólk. Byrjið með lítið af mjólk og bætið frekar við.

  2. Skerið því næst niður grænmetið og beikonið.

  3. Steikið beikonið þar til brúnað og setjið til hliðar. Steikið grænmetið uppúr beikonfitunni.

  4. Skerið í bita og kryddið kjúklinginn með túrmeriki og papriku. Steikið síðan á pönnu. Saltið og piprið eftir smekk. Ég setti grænmetið eftir þetta ofaní sósuna og steikti kjúklinginn á sömu pönnu en hægt er að nota aðra pönnu einnig. Ég notaði sömu pönnu til að ná fram enn meira beikonbragði.

  5. Blandið grænmetinu, kjúklingnum og sósunni saman. Ég hafði beikonið til hliðar fyrir stökkleika.

  6. Njótið með hrísgrjónum eða öðru meðlæti.






留言


bottom of page