Rauðkur

Hvað kallar maður blondie-brownie á góðri íslensku, jú auðvitað rauðkur. Verð samt að gefa Fríðu Kristínu systur Elísabetar credit fyrir þetta nafn. Þessi uppskrift er hugmynd sem ég fékk þegar ég var spurður hvort mig langaði að gera eitthvað til að hafa með á Þjóðhátíð og bjóða uppá í hvíta tjaldinu sem við höfðum aðgang að. Það þurfti þá að vera eitthvað sem var nógu spennandi til að einhver nennti að smakka og líka þurfti þetta að vera mjúkt alla helgina. Þar kemur karamellan sterkt inn. Hlutföllin á milli blondie og brownie eru ekki heilög og má breyta þeim eftir smekk. Þessi uppskrift er með örlítið meira af brownie því það er það sem hefur gefist betur samkvæmt minni reynslu.

Hráefni

Fyrir brownie

• Smjör, brætt 1 ½ bolli

• Sykur 2 bollar

• Púðursykur 1 bolli

• Egg 5stk

• Vanilluduft 2 tsk

• Kakóduft 1 ¼ bolli

• Hveiti 1 ¼ bolli

• Salt ½ tsk

Á milli

• Dulche de leche ca. 10 msk

Fyrir Blondie

• Smjör,brætt 2/3 bolli

• Púðursykur 2 bollar

• Egg 2 stk

• Vanilluduft 2tsk

• Hveiti 2 bollar

• Lyftiduft 1tsk

• Salt 1tsk

Aðferð

1. Hrærið saman brædda smjörinu og sykrinum

2. Blandið eggjunum saman við einu í einu og hrærið vel á milli

3. Blandið vanillunni útí ásamt hveiti, salti, kakódufti og lyftidufti

4. Setjið í vel smurt 25x37 form og inní frysti í lágmark 30 min

5. Á meðan brownie lagið er að stífna undirbúum við blondie lagið

6. Hrærið saman brædda smjörinu og sykrinum

7. Blandið eggjunum saman við einu í einu og hrærið vel á milli

8. Blandið vanilludufti saman við ásamt hveiti, lyftidufti og salti

9. Takið brownie lagið út úr frystinum og dreifið þunnu lagi af karamellunni yfir og síðan blondie laginu

10. Setjið inní ofn á blæstri og 180° gráður í ca 90 min eða þar til rauðkurnar eru bakaðar í gegn