• Baldur Sverrisson

Súrdeigsskyrskonsur

Updated: Jun 30, 2019

Ég hef verið að reyna að skipta súr inn fyrir öll önnur lyftiefni eins og í þessu tilfelli þar sem vanalega er notað lyftiduft og/eða matarsóda. Þetta er það sem ég elska við súrdeig, allar áskoranirnar. Þessar skyrskonsur eru útgáfa af tebollum sem innihalda skyr, en það er einmitt það í blandi við súrinn sem gerir þessar tebollur sérstakar. Þær eru þó alls ekki súrar, það er nægur sykur í þeim til að koma í veg fyrir það. Ég nota laktósafrítt skyr en það er auðvitað undir hverjum og einum komið hvaða skyr þeim finnst best.


Hráefni

  • Vanilluskyr frá Örnu 1 dolla

  • Súr 150g

  • Heilhveiti 50 g

  • Smjör 200g

  • Púðursykur 100g

  • Sykur 90g

  • Egg 3stk

  • Kókosmjöl 75g

  • Hveiti 300g

  • Salt 1tsk

  • Súkkulaði 150g


Aðferð

1. Blandið saman skyri, súr og heilhveiti og látið standa í 8klst

2. Blandið saman smjöri og öllum sykrinum í hrærivél þar til blandan verður létt og ljós

3. Bætið við eggjunum, einu í einu og hrærið vel á milli

4. Blandið súrblöndunni saman við

5. Skerið niður súkkulaðið og blandið því saman við ásamt kókosmjöli, hveiti og salti

6. Setjið á á ofnplötu ca. 1 matskeið hver tebolla

7. Bakið í 180° ofni á blæstri í 35 mínútur, mæli með að hafa 2 plötur inní ofni og skipta rótera þeim ef efri hæðin verður of dökk.



  • Facebook