Ég elska brauðstangir, en hef alltaf strögglað við að gera virkilega góðar heima og panta þær því oftast. Ég geri þó reglulega tilraunir, eiginlega oftast þegar ég geri pizzu. Þessi uppskrift er niðurstaða þrotlausra tilrauna og endalausra mistaka. Uppskriftin hefur verið prófuð á ótal mörgum varnarlausum tilraunadýrum en mér til varnar hafa dómar verið einróma góðir. Það má segja að þetta sé nokkurskonar brot af því besta því þessi uppskrift tekur allt það besta við brauðstangir og allt það besta við hvítlauksbrauð og blandar því saman. Eða eins og tengdapabbi minn sagði „þetta er eitthvað annað gott.“
Hráefni
Smjör 30g
Ólífuolía 1 msk
Túrmerik 1 tsk
Hvítlauksgeirar 2 stk
Chilli ½ pipar
Salt og pipar
Ostur og mexíkóostur eftir smekk
Aðferð
Mýkjið smjörið í örbylgjuofni, passið þó að það bráðni ekki
Blandið restinni af hráefnunum, fyrir utan ostinn, saman við
Smyrjið á ca 12" pizzabotn og setjið ost yfir og bakið þar til botninn er til
