Risotto er matur sem maður getur ekki gert með vinstri því það þarf að standa yfir pottinum allan tíman og hræra reglulega, en það er algerlega þess virði. Kjúklingurinn sem er með á þessari mynd er marineraður í grískri jógúrt, túrmerik, arabískar nætur, salti og pipar.
Hráefni
Sveppir ca 800g (ég mæli með að nota bland t.d. kastaníusveppi, portobello og klassíska)
Heitt vatn 6 bollar
Þurrkaðir villisveppir 100g
Kjúklinga- eða grænmetisteningur
Hvítvín 1 bolli (við notum vanalega riesling þar sem við viljum drekka rest með og finnst það besta þrúgan)
Skalotlaukur 3 stk
Arborio hrísgrjón 1 ½ bolli
Parmesan ostur ½ bolli rifinn + aukalega til að bera fram með
Salt og pipar til að smakka til
Aðferð
Skerið fersku sveppina og steikið uppúr smjöri og piprið. Setjið sveppina síðan í skál og geymið
Setjið 1 bolla af heitu vatni yfir þurrkuðu sveppina. Setjið síðan restina af vatninu í pott ásamt teningunum og haldið heitu á lágum hita
Skerið laukinn smátt og steikið uppúr olíu í potti. Bætið síðan hrísgrjónunum í pottinn og þekjið með olíu og steikið í 1 mínútu
Bætið hvítvínínu útí og sjóðið niður þar til mesti vökvinn er horfinn
Takið síðan sveppina upúr vatninu og notið það vatn útí pottinn með hrísgrjónunum, skerið sveppina og geymið með hinum sveppunum
Endurtakið síðan leikinn með grænmetis/kjúklinga soðinu. Bætið við ½ bolla í einu og hrærið stöðugt þar til mestur vökvinn er horfinn.
Takið af hitanum og hrærið parmesan ostinum saman við. Smakkið til með salti og pipar
Comments