Tzatziki

Tzatziki sósa er grísk jógúrtsósa, afskaplega góð og fersk. Hún passar með all flestu en þá helst fisk og kjúkling. En mér finnst hún þó best með einum uppáhalds matnum mínum Gyros. Þetta er ekki flókin sósa og því auðvelt að grípa í hana hvenær sem er.

Hráefni

Gúrka 1 stór

Grísk Jógúrt 1 ¼ bolli

Sítrónusafi 1 matskeið

Ólífuolía 1 matskeið

Hvítlaukur 1 geiri

Salt 1 tsk

Svartur pipar eftir smekk

Aðferð

1. Skerið gúrkuna í tvennt og takið kjarnann innanúr, rífið hana síðan niður með rifjárni ( úr því á að koma ½ - 1/3 bolli)

2. Setjið gúrkuna í hreint viskastykki og kreistið vökvan úr þar til hann er mest til hættur að renna

3. Bætið hinum hráefnunum saman við gúrkurnar

4. Látið taka sig í lágmark 20 mínútur helst lengur