Einföld vegan samloka

Þessi samloka er einföld og bragðgóð, góð hugmynd í nesti eða kvöldmat. Sósan er reyndar frekar ógirnileg á litinn, en ef þið getið horft framhjá því er hún mjög bragðgóð. Mesti tíminn við að gera þessa samloku fer í að láta eggaldinið standa en fyrir utan það er hún til á nóinu.

Hráefni

• Eggaldin 12 sneiðar

• Hveiti eftir þörfum

• Olía 2 dl

Sósan

• Basilika 12 g

• Sólþurrkaðir tómatar 20 g

• Olía af tómötunum 1 msk

• Ólívuolía 4 msk

• Kasjúhnetur 5 g

• Sesamfræ 3 g

• Furuhnetur 4 g

• Salt 1 tsk

• Paprikukrydd 1/2 tsk

• Döðlur 10 g

• Rauðlaukur 1/4

• Kirsuberjatómatar 4 stk

• Hvítlaukur 2 geirar

• Brauð að eigin vali

Aðferð

1. Skerið eggaldinið í frekar þunnar sneiðar, dreifið salti yfir aðra hliðina og látið standa í 15 mínútur og þurrkið síðan af svitan sem myndast. Endurtakið síðan með hina hliðina.

2. Hitið 2 dl af olíu á pönnu. Dreifið vel af hveiti á báðar hliðar á eggaldininu. Setjið á pönnuna í tveim skömmtum og steikið í 30 sekúndur á hvorri hlið. Látið jafna sig á eldhúspappír

3. Takið restina af hráefnunum (fyrir utan brauðið) og setjið í blandara og smakkið til með salt og pipar

4. Raðið á samlokuna, notið vel af sósunni og 3 sneiðar af steiktu eggaldini. Ég mæli með að setja kál og annað grænmeti með.