Stundum vantar manni bara eitthvað auðvelt í matinn. Það þýðir þó ekki að það þurfi að bitna á gæðum matarins. Þessi uppskrift er eitthvað sem er mjög einfalt að henda í og það er hægt að nota allskyns afganga úr ísskápnum. Ég mæli með að nota nóg af grænmeti og vel af hversskyns osti sem ykkur þykir góður til að ná fram rjómalöguðu bragði. Þetta er því uppskrift sem gaman er að leika sér með en auðvitað er sú sem ég skrifa hér líka góð eins og hún er.
Hráefni
Kjúklingur (bringur eða lundir) 300 g
Túrmerik 1 tsk
Cayanepipar 1 tsk
Hrísgrjónanúðlur 200 g
Hoisin sósa 2 msk
Teryaki sósa 2 stk
Sesamfræ 2 msk
Grænmeti og annað úr ísskápnum eftir smekk t.d.
Brokkólí
Paprika
Afgangs hrísgrjón
Gulrætur
Laukur
Piparostur frá Örnu
Rjómaostur frá Oatly
Aðferð
Skerið kjúklinginn niður og steikið uppúr túrmerik og cayane pipar
Hellið sjóðandi vatni yfir hrísgrjónanúðlurnar og látið standa
Bætið restinni af hráefnunum saman við kjúklinginn, nema ostinum, og haldið áfram að steikja
Þegar grænmetið er farið að mýkjast raspið þið piparostinn útí ásamt rjómaostinum og hálfum desilítra af vatninu sem núðlurnar liggja í
Að lokum bætið þið núðlunum á pönnuna og hrærið saman við
