• Elísabet Jónsdóttir

Sykurlaust bananabrauð

Updated: Dec 4, 2019

Ég hef alltaf verið mikill aðdáandi bananabrauðs. Ég vildi hins vegar eiga uppskrift af brauði sem ég gæti leyft mér að borða á virkum dögum, en hin almenna uppskrift sem er vanalega með vel af hvítum sykri og venjulegu hveiti fer ekkert sérstaklega vel í mig. Þannig varð þessi uppskrift til. Enginn viðbættur sykur og ég reyni að nota gróf mjöl til að fá meira af trefjum. Þetta hefur slegið í gegn heima og eru báðar yngri systur mínar farnar að baka þetta brauð reglulega.


Hráefni

  • 2-3 Bananar, vel þroskaðir

  • 1 bolli Hveitiblanda eða mjöl að eigin vali, t.d. spelt, heilhveiti eða möndlumjöl

  • 1,5 bolli Haframjöl

  • 1 tsk vanilludropar

  • Salt af hnífsoddi

  • 1 tsk Lyftiduft

  • 1 stk Egg

  • Grísk jógúrt eða mjólk eftir þörfum

  • 1 lúka (ca 2/3 bolli) Döðlur

Aðferð

1. Leggið döðlurnar í bleiti í volgt vatn og skerið þær síðan niður

2. Stappið bananana

3.Blandið öllu saman nema döðlum og jógúrt/mjólk

4. Setjið döðlurnar útí

5. Bætið síðan jógúrt eða mjólk útí þar til deigið er þykkt án þess að vera þurrt

6. Hellið í mót og bakið við 180°c í 15+ mínútur eða þar til prjón sem stungið er í brauðið og kemur hreinn út



  • Facebook