Fáránlega djúsí brownies

Ég gerði það aftur. Ég fór aftur niður kanínuholu til að lesa mér til um áhrif ákveðinna hráefna í bakstri, og ég er ekki alveg viss um að ég sé kominn uppúr þessari holu. Í þetta skiptið vildi ég gera brownies sem væru fullkomin með ís. Því vildi ég hafa þau alveg fáránlega djúsi. Til að gera langa sögu stutta þá tókst það

Hráefni

• Smjör 180g

• Suðusúkkulaði 100g

• Instant kaffi 1 tsk (má sleppa)

• Púðursykur 2 dl

• Flórsykur 1 dl

• Egg 2 stk

• Eggjarauður 2 stk

• Vanilla 1 tsk

• Brauðhveiti 100g

• Salt 1 tsk

• Rjómasúkkulaði 150g (má vera annað súkkulaði eftir smekk t.d. dökkt, hvítt eða suðu)

• Kakó 40g

• Olía 1dl

  Síðan má setja annað saman við t.d. karamellu í botninn, Nutella á milli eða hnetusmjör ofaná eftir því hvað ykkur finnst gott.

Aðferð

1. Brúnið smjörið á pönnu

2. Saxið suðusúkkulaðinu og setjið í skál ásamt instant kaffinu og hellið smjörinu yfir meðan það er ennþá heitt. Hrærið þar til súkkulaðið bráðnar

3. Þeytið saman egg, eggjarauður, flórsykur og púðursykur þar til blandan verður létt og ljós

4. Saxið rjómasúkkulaðið (eða annað súkkulaði) og blandið í skál ásamt hveiti, kakói og salti

5. Blandið saman eggjablöndunni og brædda súkkulaðinu, síðan olínunni og síðast hveitiblöndunni

6. Setjið í form og inn í 180°c heitann ofn í 40 mínútur

   
   

   Brownieið er gott bæði heitt og kalt og ég mæli með að bera það fram með ís