Þessi samloka hefur verið hefð hjá mér og pabba á annan í jólum líklega í 10 ár, við sitjum þá í sófanum allan daginn og horfum á sjónvarpið og vantar okkur því einfaldan mat úr því sem til er. Þessi uppskrift hefur þróast yfir árin en hefur alltaf snúist um að nota jólaafgangana, þannig ef þið eigið aðra afganga gæti verið sniðugt að setja þá líka á samlokuna.
Hráefni
(Meðað við tvo)
Hamborgarhryggur 200g
Tómatsósa 3/4 dl
Púðursykur 1/2 dl
Hoisin eða sojasósa 1 msk
Cayane pipar eða annað sambærilegt 1 tsk
Sinnep 1 tsk
Hamborgarhryggsgljái (ef þið eigið) 1 msk
Meðlæti
Brauð, ég nota frosið baguette en það má nota hvaða brauð sem er
Rauðkál, helst heimagert
Gráðaostur
Ostur
Steiktur laukur
Aðferð
Skerið hamborgarhrygginn í litla bita svo hann verði fljótari að hitna.
Setjið tómatsósu, púðursykur, hoisin, cayane pipar, sinnep og hamborgarhryggsgljáa saman á pönnu og leyfið að malla í nokkrar mínútur eða þar til BBQ sósan hefur myndast
Setjið því næst skinkubitana útí og látið BBQ umlykja hvern bita og leyfið að malla þar til þeir eru hitaðir í gegn
Skerið því næst brauðið. (afþýðið ef það var frosið) Setjið fyrst lag af rauðkáli og ofaná það skinkuna í sósunni, ofaná það fer síðan ostur og annað góðgæti.
Hitið samlokuna í samlokugrilli eða ofni í 5-10 mínútur og bætið steiktalauknum á þegar þið takið úr ofninum
