Ég er alger sökker fyrir hvítlauksbrauði og hef miklar skoðanir á því hvernig það á að
vera, þannig það er best fyrir mig að gera mitt eigið. Ég geri hvítlauksbrauðið oftast
þegar ég er er að gera pizzu og þá er það oft sem fljótlegur forréttur á meðan beðið
er eftir pizzunni. Olíuna nota ég síðan ofaná á pizzuna og hún geymist einnig lengi
þannig það er allt í lagi að gera mikið af henni og nýtist hún þá í og með allskonar
mat og verður bara betri með tímanum.
Hráefni
Botn
Súrdeigsgrunnur 50 g
Hveiti 180 g
Heilhveiti 70 g
Vatn 175 ml
Salt 2 g
Ofaná
Olía 30 ml
Hvítlaukur 2 rif
Chili 1/3 af meðalstórum pipar
Salt 1 tsk
Rifinn ostur eftir smekk
Aðferð
Hvítlauksolía
1. Saxið chillið og laukinn og bætið útí olíuna ásamt salti
2. Látið standa til að bragðið nái að taka sig
Botn
1. Gefið súrnum að borða 7-10 klst fyrir notkun
2. Blandið öllum hráefnum saman og hrærið í ca 15 mínútur í hrærivél
3. Geymið inní ísskáp í 2-4 daga
4. Fletjið út og setjið olíu og ost ofaná eftir smekk
5. Bakið í 220° heitum ofni í 15-20 mínútur
