Súrdeigspizzasnúðar

Grunnurinn að góðum bakara er að kunna að baka bollur, skinkuhorn og pizzasnúða. Þessi uppskrift er eins einföld og súrdeigsuppskrift verður og það er mjög þæginlegt að eiga þessa snúða í frysti til að grípa í.

Hráefni

• Súrdeigsgrunnur sem stenst flotprófið 100g

• Vatn 350 g

• Hveiti 300 g

• Heilhveiti 300 g

• Salt 5g

Við mælum með ofaná snúðana

• Pizzasósa

• Ostur

• Mexíkóostur

• Cheddar

• Pepperóní

Aðferð

1. Hnoðið saman öllum hráefnum nema salti og leyfið að standa í 40 mínútur

2. Bætið saltinu útí og hnoðið þar til deigið er til. Setjið deigið síðan í ísskáp og geymið í 2-3 daga

3. Fletjið deigið út og setjið ofaná t.d. pizzasósu, pepperóní, ost og skinku.

4. Rúllið deiginu upp og skerið í snúða. Ég mæli með að nota tvinna svo snúðarnir haldi formi sínu

5. Bakið við blástur og 220°C í ca 12-15 mínútur fer eftir stærð snúðana