Þessi uppskrift er líklega það vinsælasta sem ég hef nokkurntíman gert, ég hef gefið svo mörgum uppskriftina að það tekur því varla að setja hana hér inn. Þetta er ekki einu sinni mín eigin uppskrift, ég hef hana úr gömlu Gestgjafablaði. Þetta var þó ekki einhver forsíðuuppskrift eða sigurvegari í einhverri keppni, þetta var kynning á nýjum sykri sem Dan Sukker var þá að koma með í verslanir. Þessi sykur heitir Muskovado sykur og það fyndna er að hann er ekki einu sinni nauðsynlegur til að brúnkurnar verði eins góðar og raun ber vitni þó það hjálpi vissulega til. Ef þið eigið sykurinn ekki til verður samt að nota púðursykur í staðinn til að halda bragðinu.
Hráefni
Smjör 200 g
Suðusúkkulaði 225 g
Egg 3
Muskovado sykur 225g
Hveiti 80g
Lyftiduft 1 tsk
Mjólkur-/Rjómasúkkulaði 200g
Aðferð
Bræðið smjörið og suðusúkkulaðið saman
Þeytið saman eggjunum og sykrinum þar til blanda verður létt og ljós, ca 7 mínútur.
Blandið súkkulaði blöndunni útí eggja- sykurblönduna ásamt þurrefnunum og niðurskornu rjómasúkkulaðinu
Setjið í from ca 20x30 cm og inní 180°c heitan ofn í 35-40 mínútur
